ԳՅՈՒՄՐՈՒ ՄՈՐ ԵՎ ՄԱՆԿԱՆ ԱՎՍՏՐԻԱԿԱՆ ՀԻՎԱՆԴԱՆՈՑ
Հասցեն՝ ՀՀ, Շիրակի մարզ, քաղաք Գյումրի, Գ.Նժդեհի 5 Ընդունարան +37431235629

Հայտարարություններ

24.07.21թ. ժամը 12։00-ին «Գյումրու մոր և մանկան ավստրիական հիվանդանոց» ՓԲԸ  կժամանի «Աստղիկ» ԲԿ վիրաբույժ, բժշկական գիտությունների թեկնածու, ԵՊԲՀ Ընդհանուր վիրաբուժության ամբիոնի դասախոս Հայկ Վաչագանի Հարությունյանը։
Վիրաբույժ Հ.Վ. Հարությունյանը 2014-2015թթ. վերապատրաստվել է Լապարասկոպիկ վիրաբուժություն Մոսկվայի Ն.Վ. Սկլիֆասովսկու անվան շտապ օգնության ինստիտուտում՝ Ռուսաստանի բժշկական հետդիպլոմային ակադեմիայի բազայում։

2015թ. (սեպտեմբերից-դեկտեմբեր) վերապատրաստվել է Թայվանի <<China Medical University Hospital>>-ի Լյարդի փոխպատվաստման կենտրոնում։

Մասնակցել է 30-ից ավել միջազգային կոնֆերանսների (Թայվան, Իսպանիա, Ավստրիա, Գերմանիա, Ֆրանսիա, Ֆիլիպիններ, Հնդկաստան, ՌԴ, Վրաստան և այլն)։

📲Լրացուցիչ տեղեկությունների, խորհրդատվության և վիրահատությունների գրանցման համար զանգահարել   +37493979111 հեռախոսահամարով։

 

 

 

Հարգելի հղիներ

Ուրախ ենք տեղեկացնելու, որ սույն թվականի հուլիսի 6-ից վերսկսվում են «Մայրության դպրոց»-ի դասընթացները «Գյումրու մոր և մանկան ավստրիական հիվանդանոց»  ՓԲԸ-ում։ Համավարակով պայմանավորված դասընթացներն անցկացվելու են բացօթյա։ Դասընթացներն անցկացնելու են՝ մանկաբարձագինեկոլոգիական բաժանմունքի վարիչ՝ Ա․ Ղուկասյանը, տնօրենի բուժական աշխատանքների գծով տեղակալ, մանկաբույժ՝ Հ․ Խաչատրյանը, ներզատաբան՝ Ա․ Տոնոյանը, հոգեբան՝ Ա․ Ճարտարյանը։ Դասընթացներին ակնկալում ենք Ձեր ակտիվ մասնակցությունը, իսկ մեր կողմից հաճելի մթնոլորտ և մասնագիտական գիտելիքների փոխանցում։ Համոզված ենք, որ մեր փոխանցած գիտելիքները հետագայում շատ օգտակար կլինեն։ Դասընթացներին կարող են մասնակցել ինչպես մեր հիվանդանոցի կանանց կոնսուլտացիայում հաշվառված հղիները, այնպես էլ յուրաքանչյուր հղի, ով մասնակցության ցանկություն կհայտնի։ Դասընթացներն անվճար են։ Ցանկացողներին խնդրում ենք նախապես գրանցվել հետևյալ հեռախոսահամարով՝  043048287։

Հետագայում մեր կայքում կտեղադրվեն դասընթացների թեմաներն ըստ ժամանակացույցի։

Սիրով սպասում ենք Ձեզ։