Հասցեն՝ ՀՀ, Շիրակի մարզ, քաղաք Գյումրի, Գ.Նժդեհի 5Ընդունարան +37431235629
Կապվեք մեզ հետ
ՀՀ, Շիրակի մարզ, քաղաք Գյումրի, Գ.Նժդեհի 5 Երկուշաբթիից- Ուրբաթ 08:00-19:00 Տնօրենի Ընդունարան +37431236252 Ընդունարան +37431235629 oks@oks.am oksshirak@gmail.com
Հետեւեք մեզ:
Մնալ կապի մեջ:
Ռենտգեն ծառայություն
Գյումրու մոր և մանկան ավստրիական հիվանդանոցի ռենտգեն ծառայությունը աշխատում է 24/7 ռեժիմով։ 2020 թվականին հիմնովին արդիականացվել է Գյումրու մոր և մանկան ավստրիական հիվանդանոցի ռենտգեն ծառայության սարքավորումները ։ Ռենտգեն ծառայությունը համալրվել է Lanmage 6600 Pro ստացիոնար թվային ռենտգնեն սարքավորումով, որը հնարավորություն է տալիս իրականացնել ինչպես երեխաների, այնպես էլ մեծահասակաների ցանկացած բարդության ռենտգեն հետազոտություն իր հզորության և ռենտգեն գլխիկի բարձր շարժողության շնորհիվ։ Թվային ռենտգեն դետեկտորը ունի բարձր զգայունություն և կետայնություն, որի շնորհիվ ռենտգեն պատկերը ստացվում է բարձր որակի։ Ռենտգեն ծառայությունը համալրված է նաև meX+100 շարժական թվային ռենտգեն սարքավորումով։ Շարժական ռենտգեն սարքը Գյումրու մոր և մանկան ավստրիական հիվանդանոցին է նվիրել ՎԻՎԱ բարեգործական կազմակերպությունը։ Շարժական ռենտգեն սարքը հնարավորություն է տալիս կատարել թվային ռենտգեն հետազոտություն հիվանդասենյակներում, վիրահատական սրահում, նորածնային և մանկական վերակենդանացման բաժանմունքում։ Հիվանդանոցում առկա է միասնական ցանց, որը բժշկին հնարավորություն է տալիս հիվանդանոցի ցանկացած հատվածից ծանոթանալ ռենտգեն հետազոտության արդյունքներին՝ առանց ռենտգեն հետազոտման սենյակ այցելելու, իրականացնել հեռահար խորհրդակցություններ։ Ռենտգեն հետազոտության պատկերները պացիենտներին տրամադրվում է թվային կրիչների միջոցով, որը հնարավորություն է տալիս երկար տարիներ պահպանել հետազոտության արդյունքները առանց պատկերի որակական կորստի։ Ռենտգեն ծառայության մուտքերի մոտ առկա է QR կոդերով վահանակներ, որոնց միջոցով կարելի է ստանալ տեղեկատվություն ռենտգեն ծառայության մասին և ծանոթանալ գնացուցակին։ Ռենտգեն հետազոտության սենյակում ստեղծված է միջավայր, որը փոքրիկների բժշկական օգնությունը և սպասարկումը դարձնում է առավել ուրախ։ Ռենտգեն հետազոտությունները իրականացվում է փորձառու բժիշկ ճառագայթաբանների և ռենտգեն լաբորանտների կողմից։
